قصيدة من أحدى المساجلات ..

هذهِ قصيدة مأخوذة من أحد المساجلات 

بيني وبين أحد الاصدقاء الشعراء .. والتي كانت تدور 

حول السرقة في الشعر ، كان لهُ قولاً ..

ولي قولٍ آخر ...

 

 

 

فقير أحسـاس هذا ولاتهم ياخوي
الله اليشفي علّته وتالي كون ايتوب

لأن عنـده الجراءة ايبوگ الافـكار
أذاً عنده الجراءة ايبوگ الجيــوب

غشمة النــــاس لمّن صدّگوا بيه
مايدرون گلبة اشايل اعيــــوب

مثل طبع الثعالب عنده كومـة اوجوه
سلس وبكيفة يگدر يخطف اگلُوب

عبّالة الشعر يرفع مقام وجــــاه
مايدري البشر بطبــــاعة مهيوب

مانگدر نصلحه شمــا حچينة اوياه
لأن من راسه حد رجليه الــذنوب

شخبط ع الحچينة وعندي إستفسار .....
لأن حضرة جنابك ابن الاجنوب

يمته الغيرة صـارت بالعشگ ممنوع ؟؟
واذا ممنوع تگدر تفهم المحـبوب ؟؟

خليك بمكاني وشوف بيه شصــار
جرحـوني وهويت ابگلب مصيوب

يضنـــوني حجر ماضنهم انسان
يراموني بسوالف أخشن من الطوب

أتحـمّل وأگـــولن يله ميقـصدون
واسمعهم ضحكتي وآنة مــــرعوب

أنكسر خاطر عشگنة ورايد الــيوم
اسكر بالســــوالف بين الادروب

أحمد خوية طـــوّل خلگك وياي
لأن أدريك تفهم ماوره المكتــوب !

 

 

::

 

نُشرت بتاريخ

2012/7/1