زنجيل أبو ذيّة ..

دعيت الله اليحفظك لي ....... يخلي
ويشيل اهـمومك لهمي ...... يخلي
كل هذا ولا ترضه .......... ي خلي ؟
فوكاهة انطعن تضـــــحك عليّة
فوكاهة انطعـن ودماي ....... صبّت
أذب رمشي واخلي اليوم ..... صبّات
لأن فاض الدمع وبعيني ........ صبّيت
ماتدري الدمع شيـــــسوي بيّه
ماتدري الدمع بفراگـــك .. انهار
عليك بكل دقيقه انفعل ........ انهار
ولا بالليل طيفك يمر .......... وانهار
أبشرك روحي طگّت هـــاااي هيه
أبشرك روحي تنشد ....... مايردلك ؟
ترد شلـون للعافك ...... ما يرد لك
تريد الخير بس هو .......... مايرد لك
غير الهم والاوجــــــاع وأذيّة
غير الهم بعد عيــنيك ....... يمرمر
أدور ع الفرح ماضن ........ يمر مار
گلب بلّور شايلك .......... ي مرمر
ماهزك حنينك مـــــــرة اليّة
ماهزك حنينك تذكر ........... ايام
حب الأم لبنهة وياك ......... إي أم
ماتعرف [ انشگشز ] حيل .. [ آي ام ؟ ]
واموتن من [ تچرنا ] شـــلون بيّة
أموتن من تگلي انساني ما........ بيك
تعال ومرني گلي شبيك ما ........ بيك 

 أخطفك مايخلصك مني لو ......... بيك
ولا حتّه العشــــــيرة اتهد عليّة

 

 

::

 

 نُشِرت بتاريخ

2012/7/3