منو الگلك عليه آنة انتــحاري !؟

أسألك ليش من تروح متگــول ؟
تخلـيني بسـؤال يزاحـم أفكاري
ولا واحـد أسألـه اعليك وارتاح
غربـة الناس محـد جابـلك طاري
بعـدك روحي ضاگت نكهة الموت
كلـش منتهي و مو زينـة أخباري
تطفـة النار ندري ابرشـة المـاي
أشربت دجلة وبقت مشتعلة ناري !؟
بقت آثار دمـعي بوجهـي شگّين
دواي بلمسة ايدك تنمحـي آثاري
تعـال بطيف مرني ونگعد آنة وياك
ضيف بروحي تگعد مو فقط داري
روح لباب بيتك شوفني شخليت ؟
أثر جـدمي أتركت گد انتظـاري
چذب عنتر وقيـس بحبي ينقاسون
فوگ الحب أحبك وانته ماداري ؟
أريد اوصف محبتي ولكن احتاريت
قصص قاري شكثر بس هيچ ماقاري
خليك بمكـاني وحس بذية الشوگ
منو الگلك عليه آنة انتــحاري !؟


/


حسام الساعدي
2012/3/12

ذمّة برگبتچ أخلّيهة السوآلف ..

ألـراي تايه من بعـدها ومـادريت
چنـت أدري اتخـون بيّه وأمنيـت
دمعـي يجري وگلت يلّه وماحچيت
مانـسيت وچان كل ضنها نسيـت
وطبعي هو الأولاني ع العهد آنة بقيت
خنجر وكومة جروح وحسرة جرّيت
بـس هذني بحبّها الأگشـر حصّليت
فلم سوانه هجرچ ...... وأنتجانة
حايط چنتي لهمومي ... وأنتچي آنة
أَسَف ضنيت اليّة ....... أنتي جنّة
صفيت بنار حتّه النسمة ممنوعة عليّة
أنتظـر مرسـال مـن عدهـا وأردة
والقهـر فوگ الـورق كلّه اسـرده
وأكتـبلها بمـاي عيـني الـي تبـدة
(ذمّة برگبتچ أخلّيهة السوالف والمودة
أنتظرتـچ ويه كـل يـوم آنـه أعدّة
ما أحـس راح الـعمـر مني وتعـدّة
وانتي مـاحسيـتي بيّة بلحظة وحـدة
لا تجيــني بوجـه أحـمر لون خدّة
لاتمديـلي أديچ الذبّحت مليـون وردة
ناسـي تحسدني اعله حبي وهـوه شدّة
آنة ثوبي أخلاص وانتي الي جبرتيني اقدّة
وباب گلبي بوجه حبـچ راح اسـدة !
وباب گلبي بوجه حبـچ راح اسـدة !

/


2012/3/9