حــــــــــزب العـــــــــصافير ... !

الأحزاب والكُتل السياسية
أن لم يوفرون للمواطن أحتياجات المعيشة ربما ينطر أن يُقرر ترشح
{ حزب العصافير ! }
تعالوا .. لنرى هذا الحزب الجديد





مهموم عصفور الصبح ع النخلة مايرضه يطير ..

گتله وك شبيك تبچي شو أحس أمرك خطير ..؟

گلي روح ابداعـة الله شرد اسولف ع اليصير ..

الحكـومة اتريد عشي وهذا الأنـذار الأخير ..!

گتلـه ما أدري بقضيتك وأعـتذر منك چثير ..

گتله روح بساع هسه وأشكي يم ذاك الوزيـ؟ـر ..

هوه ينظـرلك قضيتك لا تهـم ولا تــحير ..

چن يگلي شبيك خايب ذولة ناس بلا ضـمير ..

للغني يجـوز الكلام وخيطو حلـگه الفقـير ..

لشوكـت نبقه بسـكّوت ولازم انحدد مصير ..

قررت تنظيــم اسوي وكل عضو بحزبي مُدير ..

راح ارشـح وأنتخبني وصي كلمن اتعرفه يغير ..

أنضمد اجروح العراق انسوي كلشي المايصير ..

أنحقق أحلام الشـباب ونطرد الطاغي الحقير ..

ننظر لحال اليتامة والأرامل والمعوق والضرير ..

گتله ياعصفور حزبك هم توفرله مستقبل وفير ..؟

گلي ازرع بكل متر نخلة وحزبي البسنة الحرير ..

وأني اغير عشــي هذا راح اسويلي سرير ..

گتله ياعصفور نرفـض انتـه ريسـنه تصير ..

خايف اتموتنه جوع ومثل حال امعمر انجيبك أسير ..

چن يگول بوجه يضحك حاسب أحساب المصير ..

حتى لوصــارت الثورة انفذ بجنحـي وأطير ..!


/



حسآم الساعدي 

2011/11/16

مـن گـتلك أحـبك چـنت سـكران ..!

 

 

 

أجيت بچفي شايل حفنة ادموع
مثل سائل وگفّت ابعتبة البـاب
انه عيوني يتامه ويبـچن ادمـوم
أمسح طرف جفني تكسب اثواب

*

صعبـة امنيتي ما تتحقق وياك ..
هـلهولة فرح بحلوگ خرسان ..

ماريدك تـجيني تگلي مشتاگ ..
ماطيقك تره بهمـومي غرگان ..

قصيدة اتبلّلت بدموع فرحانين ..
ماشربت بقت عطـشانة أحزان ..

أشتترجة امن الاعمه يگلك ااااالله ..؟
لـو راويته لوحة أمتعبه الفنان ..

ما أشرب وصالك لو تگلي اتموت ..
مثل حـسين أموت وأبقه عطشان ..

ولتراودني حته لحبك اشتــاگ ..
أشيلن گلب يوسف وألعن الشيطان ..

ولك راح اختصرها وكافي دوخة راس ..
اني من گتلك أحبك چـنت سكران ..!


هكذا اني ...

أسست بگليبي جامع .. هاك آذاني
لا تزعل حبـــيبي .. هكذا اني
أشكــم مره اگلك .. هاك أذاني
ماتوبن لو أجر گـــــلبي بديّة




 

 

2011/11/12

 

 

غـرگ شيـطآاان شعري وتـاهت الأفكـار .. !

غرگ شيطان شّعري وتاهت الأفكـار ..
ما أشعر صــرت بالكلمة من تطلـع ..

أنه اتـوسل أريد القـافية تصير ويـاي ..
حـته بكل صـلافة بـجرحي تتـمتع ..

اسّطـر بالحروف ودمعي يملي الـكوس ..
عـذبت القصيـدة وياي والمطـلــع ..

بـقيت بلا شـعور اكتـب شخابيـط ..
لأن الـهامي مايقبل يضل وياي يتـلوع ..

الله يعيـن گلبـي شگـد حمل لوعات ..
أحـس شريـان من عـنده تگطــّع ..

تمر سـاعات عمري وانت ما موجود ..
وبشـارع خيالك خطـواتي ما تهجع ..

اتـانيك ومثل ذاك الحسد نجـمات ..
علـى سطوحه يريد النجمة توگـع ..

مثل طـاعن عـُمر يتمنه عمره يعود ..
عجّز والنـدامـة ويـاه ما تنـفع ..

ذبل عود الشباب وشيبي غـطة الراس ..
وايـامي السـعيدة ويـاك ما ترجـع ..

بقيت اشــرح واسـولف انه بالتأشير ..
لأن نـايّك سطرني وگمــت ما اسمع ..


ولك رد ...
يمحبوبي العمر خلص .. ولك رد
گلبي يلوح غيرك بس .. ألك راد
روحي تريد بس كلمة .. وألك رد
تشفي جروحي وترد روحي اليّه ..





2011/11/9